Pantun Badatang (Meminang) Suku Melayu Banjar
Pantun Badatang (Meminang)
Pantun Badatang ini berisikan suatu tuntutan menagih janji berupa pinangan pihak lelaki kepada pihak si perempuan. Kadang kala meminang ini terjadi berbalas pantun antara pihak lelaki dan pihak perempuannya.
Pihak lelaki :
Apa habar bayan manari
Katutut bajalan malam
Apa habar datang kamari
Manuntut janji samalam
Pihak perempuan :
Katutut burung katutut
Katutut basaung buntut
Lamun ada juduh manuntut
Urang tuha bisa mamatut
Pihak lelaki :
Rumah bahari baukir – ukir
Tangga ulinnya bapasang pasak
Sudah lawas kami fikir – fikir
Ditimbang – timbang sampai masak
Pihak perempuan :
Pucuk bubungan bapasang jamang
Jamang batatah di pambuung
Lawas dipikir lawas ditimbang
Talalu banyak hitung-mahitung
Pihak lelaki :
Anak tangganya pitung tantang
Sama balakang lawan hadapan
Niat hati handak badatang
Nang kaya apa sakira nyaman
Pihak perempuan :
Punduk di hutan hatap rumbiya
Gasan lantainya papan satampik
Sampiyan badatang kami tarima
Kadatangan sampiyan kada ditampik
Pihak lelaki :
Punduk di hilir punduk di hulu
Sama batawing papan kalipik
Amun damintu hitung dahulu
Ari nang baik bulan nang baik
Pihak perempuan :
Batang dadap batang maritam
Disitu ada sarang kalulut
Bulan di hadap imbah katam
Hidup duabelas bulan Maulud
Source : http://www.azmirza.waphall.com
Created at 2018-05-13 05:33
Back to posts
UNDER MAINTENANCE